Избори 2020 - Адвокат Блог

Парламентарни избори 2020

„Знам дека нема да ми верувате, но највисоката форма на човековата беспрекорност е да се прашува самиот себе си и другите.“ - Сократ

Граѓаните на Република Македонија веќе долго време им веруваат на политичарите и не се сомневаат во нивната чеснот, бидејќи повторно на секои избори ги избираат истите две партии (македонски или албански, сеедно). Диктатурата е повеќе од очигледна. Државата е заробена од два табори на четири политички партии кои 30 години владеат со оваа држава. Нивните дела беа прво привремена референца која требаше да биде само за кратко, после криминалната приватизација, војна (конфликт), арамилак, диктатура, криза, неуспешен референдум, промена на име, пак криза, и замислете, сеуште има за крадење и за исселување.

Избори кои повторно без избор нудат раскажување на прикаски за мали деца, европска иднина и задржување на младите во сиромаштијата, сите заедно со социјал демократи, либерали, зелени, црвени и секакви (со лобирање за укинување на олеснувачките доселувачки политики во Западна Европа), подобрување на работнички права (од националистичката левица), конзервативни (како малку да ни беше од грујо), албански премиер, здружување против албанската вечна партија и што уште не. Повторно сите ветуваат автопати, чист воздух, плати, надоместоци, мед и млеко за граѓаните, и се што ќе им падне на памет додека да завладеат, но кога ќе бидат власт веројатно ништо нема да направат, како што ништо не направија и поседниве 3, па и 30 години. Посебно ги потенцирам последниве 3 години бидејќи можеби граѓаните имаат амнезија за арамилакот сторен последниве 30 години, ама последните 3 се свежи.

Кампањата уште не почната, почнаа да пукаат бомби како Сирија. Интересни беа кога се случија за прв пат. Сите ги слушавме и го потврдија сите она што го знаевме, но никој не се осудуваше да го зборува јавно, бидејќи Големиот Брат (Мики), и слушаше и гледаше. А богами и сериозна работа беше да се „зачачкаш“ со партијата. Сега повторно со истите камења си чукаат главата и едните и другите.

Додека граѓаните си прават сеир, никој не заприметува дека следњето на информациите е веќе институционализирано и дека цело време граѓаните оштетената страна и секогаш некој кој гои избрале ги манипулира или ги повредува нивните човекови права. Не постои никаква сигурност. Секој граѓанин може да биде предмет на преслушкување или снимање. И повторно, никој од политичките елити не презеде одговорност за повредите кои ги нанесоа на граѓаните. Како до сега, така ќе биде и од сега.

Затоа на следниве избори сетете се на Сократ и сомневајте се во секого на овие #Избори2020!

#ПарламентарниИзбори2020 #Избори2020Македонија #Elections2020Macedonia